"सत्यविजय" गौरवगीत

जनजीवन सहकार” घडविते करिता अंगिकार

“सत्यविजय” हा असे त्यांचा जंगी साक्षात्कार ||

बीज पेरिता एक दिलाने

जपता रोप ते सहभावाने

कल्पवृक्षचि होय तयाचा नाही चमत्कार

“सत्यविजय” हा असे तयाचा जंगी साक्षात्कार ||१||

सहकारात पाऊले गुंतली

कार्यक्षेत्र अन् श्रध्दा वाढली

काटेकोरपण, शिस्त ठेऊनी दिला नवा आकार “सत्यविजय” हा असे तयाचा जंगी साक्षात्कार || २ ||

कृषक आणि श्रमिक इथले घामाने रचिती मनोरथ आपुले

मार्ग भला बचतीचा, तयांनी केला असे स्वीकार “सत्यविजय” हा असे तयाचा जंगी साक्षात्कार ||३||

नाम समर्पक कामही सार्थक “रजत महोत्सव भूषण तीर्थक सतर्क आणि अथक परिश्रम घडवी दीपोत्कार “सत्यविजय” हा असे त्याचा जंगी साक्षात्कार ||4||

नि. स्वार्थी मन तळमळ पोटी फळे तयाची रसाळ गोमटी प्रगतीच्या या मार्गस्थांचा रहावा भव्य सत्कार “सत्यविजय” हा असे त्याचा जंगी साक्षात्कार ||५||

प्रा. मोहन निकम पाटील